楝悉先機：精靈勇駿四班好超

港陌

　　我以為上周三夜馬會有大運行，獨贏連扣何澤堯3件，頭關先贏咗隻「雪山神駒」，當時個心諗住：「呢次冇死嘞！」誰不知，往後兩駒分別只得亞殿，真真濕滯。呢期阿棟仍舊睇好佢嘅馬，分別係第二、五、九場，其中第五場「智多飛」上場中開有感情，當係謝路寶，點都要追多場。

　　第二場四班1000米。「精靈勇駿」四班一定好超，上季初出已經上名，翌仗贏埋一對喺四班有W嘅「高飛飛」、「好快活」，照計在三班也不會下風。今季一直表現普通，應該係未夠狀態，或想減分落班求穩陣的手法，總之，今仗回到四班作賽，不再安排在谷草和1200米上陣，一條心返最正宗路程，心意如何，不言而喻了！

　　第五場四班1600米。唔係兜個圈嚟讚自己，雖然上場係揀「智多飛」行頭，但如果賽前問我，都唔會估到佢有本事贏到接近6身位，係佢太厲害，定大部分對手失準，好難一概而論。講真，今場亦唔覺對手比上場勁，係考考佢自己由1800米縮程嘅適應力，唔係應付唔嚟，2檔加十磅仔，有權再一次放到。

雅雪減磅兼得q檔

　　第九場一班1400米。「雅雪」1檔啱晒跑法，唔似得上場因外檔起步，早段要多耗力帶頭，處境點計都會比上場好。由於用細路仔關係，突然較剛仗少負7磅，而僅讓主要對手「加州萬里」4磅，兩場來回數好緊要，冇理由呢次又會畀人追到，乃蘇廐今日機會最好之馬。

點買法

　　由於中完有好感，「智多飛」一定係全日最鍾意嘅馬，揀Q都係要第五場。至於另一場重心，第八場4隻新勝馬碰頭，睇落冇得點爆，而第九場，有兩隻好有機會嘅馬，但嗰場再要搵其他馬嚟貼，已經唔容易，但有時呢種場合更好玩，熱頭冷腳，考眼力嘛！

陳華棟