極品絲語：捧方嘉柏 一言為定

港陌

　　今次賽事回師沙田草地舉行，摩廐近月攻勢強勁，連番數胡下，已追至與方嘉柏相差兩場，今季大有重奪練馬師冠軍之勢。

　　反觀方嘉柏11月十分「立」，計埋只得三場頭馬，不見了季初之風頭，今次出動明星馬「一言為定」，相信係時候翻身。

　　「一言為定」現時當然以部署打吡為目標，今場雖然升班作戰，但對手仍然不算強，發揮正常應該可以再勝一仗。

金碧亮馬增程掂

　　配腳方面，「曬冷王」上次一鞭未開已贏，上季亦曾贏1800米，有一定威脅。「金碧亮馬」跑短唔啱追，增程會更合。

　　講開蘇廐馬，今次廐內鎮倉寶「雅雪」及本季打吡希望「奪綵奇兵」一同開上戰線，戰意不用懷疑。

　　「雅雪」跑1400米係唯一出路，上次負130磅，埋門才不敵「加州萬里」，今次捲土重來配何澤堯減磅，又有一檔之利，穩位望贏。配腳揀「加州萬里」及「醉味」，前駒一再顯示實力，今排外檔都要拖；後駒上季港澳盃與「雅雪」拼得接近，馬房今日大出擊，要吼。

　　股市方面，本港上星期似有資金抽走，加上周未期間南韓局勢又轉緊張，均對港股構成壓力。不過，既然壞消息已出籠，外圍市況又不太差，不妨趁本周再試一次低位時伺機入市。熔盛重工（1101）生不逢時，但基本條件不俗，待市場氣氛好轉後有力反彈。

珊翠絲