巫斯義信賴破悶局

魑魅魍魉

法系猛將巫斯義，自從返咗去澳洲靠隻「美利堅」捧走咗墨爾本盃後，返嚟香港竟然唔可以食住個勢，近六次賽事都食白果，認真無癮。
       
信賴臨場落飛得手。
今季首勝胡廐馬

不過，阿巫尋日終於大發神威，喺第四場四班千四米賽事，佢騎隻一向易位難贏嘅「信賴」，爆出14倍半冷W，同胡森攞到佢哋今季合作嘅第一場頭馬。
       

另外，雖然「信賴」嘅勝出率偏低，但係呢隻馬閘前嘅位置同Q，QP都有唔少瓣着綠格，而佢同埋「快利多」構成逾千五蚊嘅連贏，一樣着咗綠格，聰明錢又再得手，有關人士一定收穫甚豐。