楝悉先機：白玉駿駒跑弗出招

港陌

　　臨近國際賽，今期沙田賽事跑7泥3草，經驗話畀我哋知，通常呢類場合，唔使旨意賽果會場場正路，爆到七彩反而唔係新聞。無他嘅，除非全泥宴，如果唔係，一季會有幾多期賽事，一次過跑咁多場泥地，由於好些場地專家分唔勻嘅關係，部分場次塘水滾塘魚，唔爆有鬼嘞 ！

　　第二場四班1000米草地。「飛魚駿王」今季跑3場，集中在谷草，仍然未贏到馬，究竟是馬質不如，抑或馬房未完全探索到馬性，其實不能斷言，但上場轉一轉配件，又跑得幾好，話唔定畀阿權試啱咗 ！ 呢次唔再等谷草，大膽轉場，係有信心先會有咁嘅選擇，１０檔又係有利跑線，可望補中。

漸信良駒實力超班

　　第五場四班1400米草地。「漸信良駒」實力必超四班，剩係睇佢上季初跑1400米那場，同啲咩對手跑，乃「雄心威龍」、「威德妙」等，就知佢有幾厲害，其後未能勝出，或是進度未趕上。今季雖然曾在9月中缺課，但距今已有兩個月，希望不會影響到，如能交出八九成水準，或已夠贏。

　　第七場一班1650米泥地。「白玉駿駒」未曾跑過泥地，轉場一試大家膽博膽，但根據佢以前試泥閘紀錄，唔應該會應付唔嚟，同埋，阿棟問過班馬房手足，拍心口話九成九唔會唔啱泥地！而上場見佢跑得唔錯，證明之前兩場收到熱身之效，估計嚟到今季第四仗， 狀態會更加銳。講到對手，唔認為惡過上場，要交代，一定吼呢場。

點買法

　　大摩今期派出5 隻馬， 有「明海光輝」、「心歡笑」等搏殺要員墊住，冇理由唔開大餐！所以， 我會整條3 x 4獨贏捧佢場， 熱就熱啲，希望山大斬埋有柴。至於重心Q， 第七場馬少少， 最啱重鎚（ 唔鼓勵孤注一擲） ， ３ 拖５、７、８ ，機會應幾大 ！

陳華棟