爪皇盛水呼風喚雨

猪拉多纳

二○○五年靠「爪皇凌雨」喺國際賽日捧走香港盃，成功揚威兼為港爭光嘅周氏家族。事隔五年後，周氏家族又喺國際賽日有馬贏，不過今次嘅主角就係周漢文細佬周家輝隻「爪皇盛水」，尋日呢隻馬跑三班田草千二米，力壓蔡廐嘅「陽明深心」，先拔頭籌，為周氏家族重溫好夢。
       

第一次做馬主兼首次拉頭馬嘅周家輝，賽後就話自己一直好緊張，事關愛駒「爪皇盛水」全程走三疊，好彩拉士都頂得住。周生話之前跑千四總係差啲啲，今鋪縮番落嚟跑千二，順便綁脷穩定隻馬嘅情緒，順利打開勝門。至於霍利時就話呢隻馬質素好好，但唔想逼得太急，所以會繼續跑千二。