千鈞萬馬：常山鎮寶減磅搏殺

猪拉多纳

　　頭場五班1650米，「常山鎮寶」上季初由告達理接手後七戰全輸，明顯有意減分落五班才出擊，果然上仗季內初出即在五班同程入位；熱身後改用何澤堯減磅，威力更強係時候重開勝門。「創出傳奇」上仗險勝「朝東之星」，很大程度得一檔之助，有運再抽一檔可再賺形勢；後駒上仗跑谷草1800米放頭大敗，如用回留後跑法可見真章。「喜相逢」一再展現後勁，上仗跑泥地落敗毋須介懷，今仗才是箭頭所在。「驕陽飛駒」加速力不夠強，配硬功安國倫或有助。

　　第二場四班1650米，「雪蹄靈驥」上仗只贏五班賽，但轉彎走大外叠蝕位甚多，最終仍彈甩亞軍「大將風騷」近四個馬位，盡顯超班實力；既已贏馬開竅，今番回升四班作賽亦不吃虧，縮程跑一哩會換來合理賠率，值博。

　　「財富之星」季內兩戰全勝，七歲馬愈贏愈冇人信要兼顧。「偉龍」跑法主動，遇啱形勢可放入一席。「日月暉華」近三仗在同程所負不遠，有力加入戰團。「傑出君子」熱夠身，轉戰谷草或可試出彩虹。

耀鈞