賠率有路捉：我愛您有墊底飛

猪拉多纳

　　第二場四班1650米，「我愛您」今季表現極之平凡，三仗全負之餘，首兩仗仲係熱門之一，由於走勢差，上仗已經冇人吼，成為18倍冷門。不過今戰隔夜早飛又有捧場客，只得64蚊W，位置亦只得19蚊。

　　「我愛您」一如上仗起用勞愛德，今戰亦係首次出戰跑馬地，抽六檔也不是特別有利，難明點解會有人咁睇好，相信呢啲飛並非來自普羅馬迷。留意「我愛您」賽前曾喺谷閘試準，突然過嚟谷草並非試馬性質，不可不防。

　　第七場三班一哩，「勝任有餘」P熱到得1.0倍，近期位置熱到1.0倍嘅「封面」、「滙名燈」、「大把在手」，以及剛戰「陽明深心」全部有P，證明強大墊底飛有啓示，「勝任有餘」絕對是第七場穩膽。  

騎師王揀何澤堯

　　騎師王方面，何澤堯手執五駒上陣，「友情友義」、「勝任有餘」及「滙名燈」固然係實力馬，「常山鎮寶」及「幸運傳奇」一老一嫩都有出冷機會，吼得過。 

周仲