楝悉先機：金津勝食住上

魑魅魍魉

　　上周三跑快活谷夜馬一場雨，搞得阿棟不知幾濕滯，整晚的心水馬，真係「付諸流水」！所以，有時食幾多着幾多，真係整定，任你如何千算萬算，唔係你財，就唔入你袋。亦因此，我成日都講住喺口唇邊，賽馬呢種玩意，千祈唔好「瞓身」，細細哋玩吓，打吓水片，當畀娛樂費咪唔會入肉囉！

　　第一場五班1000米。「瀟洒靚龍」唔覺係一匹遲熟馬，如果係叻，前仗已經贏到，斷唔會頂唔住「東方駿馬」嘅衝刺。到咗上場，跑獲第三名，但畀前兩名馬大幅拋開，唔覺有咩咁叻。呢次好在冇乜好有威脅嘅馬同場，而直路賽佢算係最擅長，希望有韋達幫手，加上外檔好跑啲，可以贏到。

　　第六場四班1600米。跑馬跟紅頂，白唔到你唔信，「金津勝」同主「金津好」，在杜利萊胯下連勝兩回，話唔埋帶旺同主馬。難得呢匹馬，今季跑得又操得，係近季健康最好時段，何時走樣邊個敢寫包單！所以，一旦操得又可上陣，點會唔出盡12成功力，而加程對隻馬嚟講，亦冇問題，一於捧W。

豐衣足食啱晒杜利萊

　　第十場三班1400米。「豐衣足食」上季能贏「好歌」、「奇葩」，三班哪有阻力，可能暑假之後進度一時未回到正軌，令到首兩仗表現較預期略為失色。惟上場在1400米入Q，全程追勢有板有眼，尤其直路的勁勢有番晒，更是可喜。今仗再跑同程，轉用法國萊，點會騎得比文羅差，仲要「豐衣足食」係匹後勁馬，呢個配搭可能更有效果。

點買法

　　韋達今日大堆頭，又冇馬贏一定令好多馬友傷心，但點睇都唔似交白卷，另一位值得吼嘅騎師係杜利萊。心水Q頭場，「瀟洒靚龍」係最佳馬膽，對手不外(、+，買三重彩，則可拖埋{、/、·。獨贏除咗揀「瀟洒靚龍」，孖埋「豐衣足食」作串射對象。

陳華棟