賠率有路捉：濃情隔夜P有啓示

港陌

　　近期隔晚位置熱到熨手1.0或1.1倍馬，表現非常醒神，啱啱嗰期賽事「傳奇快車」仲順利贏馬，再加上之前「封面」、「滙名燈」、「大把在手」及「陽明深心」全部有P，雖然亦有「勝任有餘」跑梗頸四，但整體成績非常突出，證明隔晚強大P墊底飛有啓示。

　　今日賽事尾場三班1600米，胡森隻「濃情」噚日早飛P只得1.0倍，加上隻馬不論在港，抑或澳洲都冇中距離根據，買到咁熱有景轟，而胡森放棄同日1400米，報爭1600米，亦睇得出自視極高，相信呢注P墊底飛並非出自普羅馬迷，且看呢注聰明錢今回能否又得手。

　　講開位置飛數古怪仲有「化工之昇」，此駒角逐第六場三班1400米，對手強冷至15倍好合理，不過噚日四點半左右，一注大飛P打到16蚊大熱門。呢場「佳同」退出，少咗一隻快放馬，對「化工之昇」有利，加上只負114輕磅，又排四檔好位，形勢似足季初贏馬一役，小心飛到馬到。

騎師王揀黎海榮

　　騎師王方面，既然鍾意黎海榮隻「化工之昇」，加上佢其餘場次坐騎都好惡，「封面」、「寶貝」、「雄爆」、「俊鬥仕」及「相見歡」近仗都有好表現，今日均有坐位望贏機會，捧得過。   

周仲