極品絲語：雙龍出海 食尾胡

港陌

　　今次為拆禮物日翌日賽事，亦是2010年的壓軸戰，由於聖誕節是西方傳統節日，外藉騎練多數會選擇外遊或回鄉，故對此賽日未必太重視，而每年這個時候，賽果通常不乏冷門，相信今年亦不會例外。

　　韋達連續兩次憑「後勁」封王，今期他坐騎雖多，但主觀地認為下半場的馬匹機會較好，且看是否又一次後上封王。紀仁安則是近期紅人，唔憂冇坐騎，反觀郭能至今仍未開齋，今次雖有不少坐騎，但大多無甚戰鬥力，睇怕都未必能開齋。

濃情操足而臨

　　今戰喜歡尾場「雙龍出海」，上次初跑1600米都放得有聲有色，埋門只輸頸位給「皇帝旨令」及「名人」，今番同場已冇此類惡馬在陣，加上陣中快馬少，可望一放到底。配腳取「濃情」及「鎗臣」，前駒操足而臨，後駒終於除去綁脷帶，皆可作配。

　　另外，第九場「凱旋昇輝」前仗在同程只負「小橋流水」頭位，居此群可謂一枝獨秀，坐位望贏。配腳先選「酒勝」，此程能手要拖；「火雲戰馬」跑兩次草地都近，冷腳在此。

　　股票方面，人行雖然突然加息，但未必會帶來太大影響。當然，最好避開息口敏感股，近年國策要撐廉租房，不妨吼實水泥股。隨着人口增加，重點推行的廉租房計劃，會令水泥股受惠。金隅股份（2009）提供水泥、新型建築材料的生產及銷售、房地產開發、物業投資及提供物業管理等服務，優勢屬同業中最大，值得留意。

珊翠絲