朝早有動靜：飛躍之旅落班搏

猪拉多纳

　　通常元旦日賽事，大馬房例必空群而出，志在搶頭威。無可否認，今日大摩、蔡約翰兩大馬房出馬陣容鼎盛，確係未跑已先聲奪人，值得優先留意。

蘇保羅落力督操

　　不過，暫時在練馬榜敬陪末席的蘇保羅，近日勤力督操，甚至乎在聖誕節期間仍留守在港，朝朝冒寒到場穿梭馬房、機坪及烽火台等幾處地方，如斯勤奮，自然是希望扭轉頹勢，盡快爭取更多頭馬。目前只得取得一W的蘇保羅，今日總共派出八駒參戰，以動態觀之，當中應有王者，若能取得頭馬而歸，新一年名副其實有個好開始。

　　各匹蘇廐馬馬之中，首要留意第六場的「飛躍之旅」，今番重返四班即跑以往累積三場頭馬的田草1600米，擺明屬箭頭所在。今季此駒已跑了四場賽事，評分已降至有利水平，上仗拼後隔一天便見其復課操練，無非為今場作好準備。事實上，對上兩季的元旦賽事，蘇廐都有馬贏，上季更加連中三元，屬於馬房旺日，且看今戰練者能否憑「飛躍之旅」勝出轉運矣。

韋柏