借題發揮：衝鋒槍今次子彈十足 方嘉柏打造幸運傳奇

猪拉多纳

　　數一數，今次谷草賽事，方嘉柏馬房出馬量好勁，在7場賽事之中， 出夠9駒，怎樣說，今晚係幾大陣仗，佢會唔會吶喊性質居多，睇落唔多似，檢閱過方家軍，該等上陣馬不少係質態俱備，像重頭戲一月盃，同場有3駒出戰，哪會袖手旁觀。

　　事實上，早於季初15/9，這個馬房曾經一晚派出10駒，接戰之下有不少賽駒走入前列。珠玉在前，阿Jack估計，方嘉柏是晚必會大舉出擊，值得留意其動向。

　　睇番資料，方廐有好長時間冇喺谷草出現浩浩蕩蕩場面，最近1期在谷草同日演帽子戲法，原來已是10月13日，而在11月至今，只多贏4場頭馬，看來處於回氣階段。但今次賽事忽然大軍壓境，如沒有信心，以及沒有目的，唔需要大鑼大鼓替人作嫁衣裳！

　　先講一月盃3駒「極品絲綢」、「衝鋒槍」及「藍天」，匹匹都是可獨當一面，如果衡量了配搭，「衝鋒槍」會係主力的機會好大，「極品絲綢」則贏在級數，不排除構成馬房Q。而「幸運傳奇」及「十足十」，今季俱跑了兩場，成績愈來愈好，由於仍未出頭，諒不會有歎慢板本錢，倉主必然趁兩駒在狀態，搏盡求勝，所以，此兩駒值得贏位兼投。

Jack