高清睇跑馬：天子駕六唞夠贏

港陌

　　「天子駕六」上季密密出戰，今季幕後作風不變，頭兩個月已五度出戰，輸得多減分快，前仗話咁快已落到五班跑。上仗於總場次177跑谷草一哩，排十檔形勢被動，留前鬥後轉彎走外檔無可厚非，但身處劣勢下仍跑近得第四，確認身處五班極具優勢。此駒向來跑得密，但上仗於十一月中跑完之後，竟然唞足兩個多月先捲土重來，早前甚至試課大閘積極備戰，計動態必有計；今仗排一檔起步形勢大好，湯智傑有望打破悶局，取得久違了的頭馬。

　　另外，「心路」今季轉投方廐首戰並於谷草1200米跑第四，試準後接戰即於總場次50的谷草一哩贏馬，雖然只贏五班，但負重磅兼轉彎走大外檔，後上一攻而破姿態出色。之後上四班僅得位置，撇除田草1600米路程不合的一次，其實每戰谷中均所負不遠，足證特別適合於跑馬地作賽。再睇大前仗牠於谷草一哩得亞軍，當時僅影相負於頭馬「可愛人生」跑第二，後駒有幾叻 ？ 再出連捷便足以證明一切。「心路」今戰安排舊地重遊，看來主理人食指已動，除開縫眼罩及重戴眼罩亦誠意十足， 路合輕磅又排靚檔，有力再次敲響勝鼓。

Sam