姚本輝請食「糖」

魑魅魍魉

　　【本報訊】姚本輝剛戰冇馬贏，但之前四個賽日均有頭馬交出，可見攻勢正盛。昨晨練者接近收操時，安排「肥仔糖」跟「化工之昇」拍跳，課後當前駒返到機坪時，練者即跟鞍上人黎海榮密斟一輪，而姚本輝亦透露對這匹四歲馬頗有期望，並說：「此駒上季一出即勝，可見實力非凡；上仗湯智傑發揮出色，可惜埋門短兵相接下，僅以短距離負於對手跑第二。復課後勇態依然，而且每課均有進步，今次再戰田草1200米，我有信心贏馬補中。」

　　「太陽奇妙」季內曾在谷草1800米一放到底，今次重配贏馬拍檔黎海榮，姚本輝說：「此駒最佳跑法就是自領，但上仗未能主導步速故未能交出應有水準。今次續爭田草1800米，若然能取得前領位置，不難再於五班賽放到。」另外，廐主亦指出「橫掃千軍」不能睇小，他說：「上仗牠於谷草1200米僅輸頭位跑第二，證明改用前置跑法後威力大增；這次回升二班負磅大減，有力繼續交出好成績。」