朝早有動靜：本地練馬師落力督操 呂健威吼實三匹發財馬

猪拉多纳

　　昨朝為大年初三賀歲馬排位之期，晨課氣氛比預期冷清得多，馬多人物少，較為積極的是一眾華籍馬房主理人，如伍碧權、徐雨石、鄭俊偉、呂健威等練者皆落力督操，且極為緊張參戰馬進度，應宜優先留意，可能有意外收穫。

　　呂健威今次出馬不多，而當「成功年代」、「香港發」及「錢程萬里」出試，皆見其舉起望遠鏡，由頭睇到落尾，三駒之名寓意俱佳，吼實為宜。

　　伍碧權則親自督導幾匹戰馬操練，在機坪欄邊吼到實，可能繼「天外之天」爆冷之後又有佳作，其中「飛魚駿王」由助手先在機坪熱身，再往內圈出踱，雖是一課普通操練，仍見其跟出跟入，課後練者且及不及待各向鞍上人查問一番，又陪伴人馬返馬房，重視之情溢於言表。

　　列陣第二場之「飛魚駿王」，上賽於泥地上名，今次轉爭田草地1400米，賽前先後由韋達及巫斯義兩大師傅過檔仄馬，看來不是無的而放矢，事實上，牠在今季轉入伍廐後已出賽過六次，屢戰只能三度上名，今番搵巫斯義壓陣，急於交代之心昭然。

韋柏