極品絲語：加州萬里贏馬話咁２

魑魅魍魉

　　今次為兔年賀歲賽事，在此祝各位馬迷財源廣進、橫財就手。中國人多講意頭，新正頭當然希望攞個頭彩，咁就全年大吉大利。要數賀歲賽最旺騎練，騎師是韋達，練馬師則要吼告東尼及姚本輝，佢哋已連續四年於賀歲賽事贏馬，旺氣十足。

　　告東尼今期出馬六匹，當中「大家勝利」、「加州萬里」皆為惡馬，定要留神；而姚本輝今年有馬王「蓮華生輝」在陣，贏馬幾成事實。韋達亦有九駒應戰，配合蔡廐今次攻勢，相信必有頭馬進帳。

威皇鷹篤定連捷

　　大摩在港多年， 亦係講意頭之人，今次出馬十四匹之多，當然希望贏馬。「威皇鷹」上次久休復出，直路一衝過晒，贏馬姿態輕鬆，足證健康已無礙，論馬絕非三班可留，今次再吼準同程出擊，篤定連捷。「精英財星」今季兩勝此程，贏馬後小休月餘再來，配腳優先考慮。「蜚聲」配合馬王廐侶出動，可爭一席。

　　另外，「加州萬里」今季已三捷，評分雖已加不少，但本身四次排二檔得三冠一殿，今次又排二檔，贏多一次又有何奇？配腳先取「高點」，今季巧逢第二春，必把握機會盡拼。「飛闖」新勝猶勇，勿忘拖一票。

　　股市方面，建議大家留意國泰航空（293），之前因為埃及局勢緊張加上油價上升，股價明顯受拖累，但隨着問題完結在即，相信股價可再望反彈。事實上，隨着經濟好轉，航空業實在會受惠，難得有低價自然要入貨！

珊翠絲　有線賽馬節目主持