朝早有動靜：大摩實火龍駒

港陌

　　明日沙田泥草混合賽，大摩馬房陣容最強盛，共遣派九匹馬參戰，當中不乏名氣馬，早課摩家軍備戰亦十分積極，看來又係大舉搏殺格局，要優先留意。

　　大摩馬房昨早舉動不簡單，值得優先留意的是「火龍駒」及「皇帝旨令」，兩匹馬俱獲安排於草地出試，分由白德民及助手負責考驗，課後，大摩在機坪沙圈接前駒，對馬兒上下打量，一邊與主帥商議，態度誠懇。

　　第八場本地三級賽百周年紀念銀瓶1800米，大摩馬房有兩駒出戰，分別是「火龍駒」及「曬冷王」，事實上，兩匹馬均具實力染指，前駒狀態復勇，季內未贏馬交代，今次出爭贏馬途程1800米，路程更為適合，後駒當銳，要爭分跑打吡，各為其主而戰，戰意不用懷疑。

　　尾場摩廐亦雙龍出海，派出「甜將」、「皇帝旨令」等季內五捷明星馬上陣，唔使問，必定搏甩髀，若以動態來睇，兩駒均曾試草地，「甜將」周一由白德民主試，由大摩父子伴隨人馬往閘前。「皇帝旨令」則留待昨朝才由助手出試，由大摩兒子跟進，課後由烽火台往機坪與人馬會合，兩駒同一操練程序，而大摩之舉動有別，仔細斟酌可能搵到真命天子。


韋柏