嘉寶神駒大告睇全相

魑魅魍魉

由告達理訓練的「嘉寶神駒」季內兩勝五班賽，剛戰用楊明綸減磅出擊，於五班田草千六米　後上第四負頭馬半馬位，賽後獲評磅員加一分，顯然水準甚高。周日「嘉寶神駒」列陣第三場，照辦煮碗搵見習生減磅，借用何澤堯再減多兩磅角逐同程，擺明要收復前失。
       
嘉寶神駒

昨晨「嘉寶神駒」由助手於千八米草地作最後試跑，全程疾奔八百米，末段更跑出廿二秒三快時間，表現勇銳，課罷廐主大告在機坪接馬，期間仲企定定認真仄視，由頭到腳都要睇勻後才吩咐馬伕將其帶返馬房，重視程度可見一斑！