局內人：大把在手唞夠搏

港陌

　　明晚徐雨石馬房在有不少實力馬參戰，其中最值得睇好是出爭第五場三班1200米的「大把在手」。此駒是泥地好手，上仗輸給超級馬「富貴金龍」無話可說，拼後唞近三個月才再上陣，近日走來好火有力，今仗有決心拼個明白，有力贏回一仗。

　　同場對手之中，要留意「軍刀」，上仗在谷草1000米有不俗走勢，可見鬥心已復，轉跑泥地強配柏寶上陣，有力爭入一席。此外，告東尼馬房的「一定快」亦為此程好手，上仗表現欠佳，馬房中人指是其臨場情緒不穩定之故，拼後曾交獸醫檢查，健康並冇問題，匆匆再戰必會盡拼。

　　另外，第七場鄭俊偉馬房的「好好彩」是一匹特擅泥地之馬，以往三戰泥地1200米取得兩冠一亞，上仗拼後狀態亦保持大勇，今次用蘇狄減磅毋須負重磅，有力取得季內第三捷。配腳方面，「蜚聲」實力未見底，排外檔起步可能更啱衝，可爭三甲。「爪皇盛水」亦質新當勇，可加入作配。

梁杰