馬主論戰

猪拉多纳

清脆利落窄場惡

　　大摩今晚只係派兩駒上陣，但我都睇好佢有馬贏，推介第七場「卡達聖」，上場小試牛刀即刻追近「勁飛寶」、「勁高手」呢兩匹惡馬，今次轉跑谷草卡士高晒，坐位望贏。另外鍾意第四場「清脆利落」， 上場跑谷草1200米，走外叠發力都能夠殺入Q，證明窄場性能唔曳，再跑此程改配何澤堯減磅上陣，對呢匹四歲馬更加有利，可以贏馬開齋。

張敬山

我愛您增程贏得

　　勞愛德剛啱憑「綠駿群英」同「快達小子」起孖，搏殺手風好順，我睇好佢今晚都有馬贏。最啱心水係尾場「我愛您」，初跑谷草已贏馬，擺明窄場性能一流，上仗輸條頸畀「開心老友」跑第二，證明三班一樣冇阻力，今次增程應該贏得。另外推介第七場「伽羅」，最近打叠四場跑第三，當中好幾場都係走外叠蝕位，如果今場際遇好啲，應可贏番場。

任達華

方嘉柏戰意十足十

　　返到谷草賽事，吼實方嘉柏啲馬應該冇錯，推介第五場「十足十」，今季四戰谷草累積一冠兩亞，上仗無端轉跑泥地，冇表現一啲都唔奇，今次即刻轉返嚟谷草上陣，唔使講一定搏命，值得捧場。另外鍾意第六場「海之宏」，話晒係前跑馬地百萬挑戰盃盟主，窄場性能有番咁上下，上場放入一席第二表現搶鏡，今次換何澤堯減磅仲好跑，係時候贏馬。

寇鴻萍、梁廷鏘