高清睇跑馬：安瑪換人開勝門

魑魅魍魉

　　「橫亨」上季七戰全部大敗，但亦因此減分不少，踏入今年轉向谷草中距離發展，一月出爭谷草1650米即上名。該役步速超慢，「橫亨」能夠後上入位，難度相當之高。之後兩戰，葉楚航卻安排牠改攻1800米，由於氣量尚差一線，結果均只跑梗頸四。

橫亨賽績硬淨

　　上仗總場次452，葉楚航終於安排「橫亨」跑番谷草一哩，出閘後仍沿用留前鬥後策略，但賽事步速不快，對這匹後追馬而言已頗吃虧，最致命是入直路後被「駕世仔」阻住去路，加上本身又外閃，最終仍能追入季軍，與亞軍「精密紡」幾乎同到終點，表現已算出色。再睇「精密紡」再出已補中，反映賽事水準極高，今戰「橫亨」再跑谷草一哩，即使排大外檔起步，仍有可勝之道，值得追捧。

　　另外，「安瑪」轉投沈廐後三度上陣，首戰1400米走勢欠佳，純粹熱身性質；接戰改攻谷草1200米，該戰沿途留守內欄居中競跑，入直路後揀內檔衝刺，鞍上人白德民可算膽識過人，但由於前面的「卡加大師」內閃，令其受阻勒避，遲遲才取得平衡，撻着後已差不多到終點，最終輸個多馬位跑第六而回。

　　上仗總場次473，「安瑪」改配黎海榮再戰同程，前速好慢早段推騎都唔走，唯有留守尾三位置，轉彎走二叠，入直路後兜出大外檔，蝕位不少，最終再次後上不及跑第六，輸際遇多於形勢。今番「安瑪」再戰谷草1200米，改配柏寶走位應會更機警，應是時候打開勝門。

Sam