馬主論戰

港陌

清風駒轉場贏得

　　近期告東尼頻頻同大摩火併， 但返到谷草， 點都要吼實方嘉柏啲馬。最啱心水係第五場「清風駒」，上場響田草1200米只係輸畀「洪福齊來」同「勁闖駒」兩匹惡馬，今次轉嚟谷草對手差一大截，睇嚟都係時候贏番一場。另外推介第六場「威威多星」，已經連續兩場響谷草短途追得好，睇嚟已經搵到最佳出路，未交代馬鬥志唔使懷疑，可以放心捧場。

張敬山

萬事綵增程啱數

　　剛啱告東尼憑「勁闖駒」同「加州財子」起孖兼捧盃， 依家只落後大摩一場頭馬，為爭榜首地位，唔使講一定繼續搏。推介第六場「萬事綵」， 前兩仗跑谷草1200米非冠即亞，上場縮程票數冷落，冇表現唔意外， 今次增程跑番1200米，可施回馬槍。另外鍾意第三場「稻庭烏冬」，上場響泥地大勝對手，今次跑番四班賽都唔會輸蝕，隨時執多一場。

任達華

勇猛神駒博得過

　　我哋隻「鐳射槍」今晚轉告廐後初出，揀咗場條件限制賽嚟跑，希望可以交到表現喇 ！ 講番心水，鍾意第七場「高風格」，已經跨季13戰未失獎金，演出準得交關，上場初戴眼罩亦跑第三，表現唔曳，今次用楊明綸減磅，係奇兵一路。另外推介尾場「勇猛神駒」，上場贏得「漸信良駒」，響度點會輸蝕級數？續配卓利估計臨場都會有合理賠率，隨時可以執多場。

寇鴻萍、梁廷鏘