大將風騷王賢誌遲到走寶

猪拉多纳

「大將」系馬主王忠桐同王賢誌兩仔爺擒日齊齊有馬上陣，囝囝Vinci名下隻「大將風騷」響頭場已經先聲奪人，爆出14倍冷Ｗ。原本諗住兩仔爺好耐無拉頭馬，今場可以齊齊開心影番張頭馬相，點知凱旋門唔見兩人蹤影，最後只得女友人同徐雨石拉頭馬，之後唔夠十分鐘，Vinci匆匆響會所正門趕入場，並於亮相圈周圍搵徐雨石，兩人最後碰面，石哥自然向佢匯報一切，不過事後Vinci就大嘆走寶，佢話由於家住九龍，原本預好時間入場為愛駒打氣，豈料周日塞車情況嚴重，結果白白錯失拉頭馬機會。
       
大將風騷憑內檔之利險勝對手。
沿途慳位致勝關鍵

其實「大將風騷」贏完今場，徐雨石話隻馬慳晒位都贏得咁吃力，以逸待勞下千辛萬苦先至贏番場，佢坦然隻馬回升四班就會坐馬監，睇怕Vinci錯失呢場「溫拿」，相信佢都要靠「大將」系其他家族馬先至可以補番數。