局內人：世界波收復失地

港陌

　　呂健威馬房明晚有多匹實力馬在陣，馬房消息傳來，最值得睇好出爭第六場三班1650米的「世界波」。此駒是谷戰好手，七歲馬實力並未退化，前仗在田草 1200米爆冷殺入一席第二名，表現不俗；上仗再出跑谷中一哩，亦後上爭入一席第三，僅以四分三個馬位不敵「蓋世子牙」及「寶貝王子」，有復勇迹象。復課之後，「世界波」操練更見積極，早前試大閘亦有好走勢，今番再跑谷中一哩是其所長，續配柏寶戰意明朗，應可收復失地。

　　同場對手當中，唯一睇唔透是華廐「共同目標」，初出已在田草1200米有接近走勢，今次大幅增程報跑一哩，隨時可以變身，排外檔亦難輕視。

　　葉廐方面，馬房中人指出要留意第三場「火箭動力」，此駒有班底，早前於一班賽亦能跑近，今次降落三班上陣，實在便宜之極。以往曾在谷中一哩累積冠亞季各一，亦是其所長，用到柏寶操刀戰鬥力強，有力勝回一仗。

梁杰