馬場紅綠燈

魑魅魍魉

鵬力洋洋信得過

　　「鵬力洋洋」出自08年的香港國際馬匹拍賣會，當年身價二百二十萬，至今出賽二十次得三冠三亞七季，所得獎金已逾三百三十萬，相信馬主應已回本；難得的是此駒甚少大敗，而且以谷草一哩最耍家，這次排一檔出戰強項，穩位望贏之材。

健少

相見歡又食尾胡

　　姚本輝今季暫時已贏39W，只比多屆冠軍蔡約翰少一W，對比起幾季前的成績，真係不可同日而語。值得一提，近兩戰姚廐先後憑「相見歡」同「開心老友」食尾胡，今晚尾場二班1200米，又見前駒匆匆上陣，似乎有心打鐵趁熱，值得吼實。

阿光

鐳射槍增程有計

　　大告鍊轉倉馬有幾急進，實在唔使筆者多講。今晚佢又有兩隻轉倉未交代馬開上戰陣，「祥禎」始終初出，但「鐳射槍」上鋪加盟告廐首仗已於嫌短的一哩追近，今晚增程跑曾在四班得第五的谷草2200米，明顯已屆出擊時候，捧得過。

王其