高清睇跑馬：軍事行動受重視

魑魅魍魉

　　「軍事行動」乃新西蘭打吡盟主，質素雖不及同主馬「軍事攻略」，但現評99分則應有優勢。此駒來港後極速適應水土，首兩戰已於1400米得一亞一季，但之後四戰三甲不入，但依然一分不減，可見獲評磅員高度重視。上仗於總場次541的田草1600米得殿軍，雖然牠由主帥親征，但廐侶「卡達聖」票數硬淨，擺明有心齊齊出擊；至於「軍事行動」排十四檔起步，白德民留後跑無可厚非，然而轉入彎尾卻冇一早拉出外檔，反而選擇在內叠衝，過了不久騎者知前無去路，先至再兜出外檔追趕，既蝕位又失了先機下三甲不入；這次續配主帥再跑同程，排十檔形勢跟上仗差不多，相信騎者應不會重蹈覆轍，係時候打開在港勝門。

　　「旺當家」在港四戰共得三冠一季佳績，再睇番其三次贏馬走勢，全部都唔使鬥，甚至是不用開鞭下取勝，絕對可用兵不血刃來形容；尤其上仗於總場次 516跑田草1200米，既負重磅兼且全程走外叠，但仍能輕取沿途跟前佔先機的「喜惑」，該駒接戰贏馬補中， 便知「旺當家」質素非同小可，今戰升上二班負輕磅作賽更加好跑，穩食尾胡。

Sam