局內人：嘉寶神駒五班惡

猪拉多纳

　　列陣第四場五班1600米的「嘉寶神駒」，上仗跑同程僅敗在「暖在心頭」蹄下，後駒再出已在田草1800米取得連捷，足證賽事水準不簡單。復課後，「嘉寶神駒」一直保持良好狀態，今次更惹得韋達索騎，馬在五班應佔便宜，是理想馬膽之選。

　　同場對手之中，最睇唔透是葉廐「金玉之光」，上仗初落五班已見有走勢，如非一度受阻隨時有更接近的演出，今次加程上陣有力威脅。姚廐「帝皇福星」亦有質素，以往在此程亦有過接近演出，成冷要防。

　　另外，方嘉柏馬房明日亦有多匹實力馬參戰，其中最值得睇好是出爭第五場四班1400米的「薄荷糖」。此駒潛力尚未見盡，上仗亦贏得輕易，今番乘勇再來可以再贏。

　　同場對手方面，要留意者華廐「大地王者」，雖然來港至今仍未贏過，但季內已先後三度入Q，反映居現評分極具競爭力，增程跑1400米亦合發揮，不妨作配。

梁杰