馬主論戰

猪拉多纳

仔仔女女穩連捷

　　五月以來跑咗四次馬，葉楚航次次都有馬贏，今日佢都有實力馬上陣，我睇好繼續有進帳。最啱心水係第二場「仔仔女女」，上場響泥地1200米一鳴驚人， 已經搵到最佳出路，今次繼續跑四班賽，對手唔算強，再贏冇難度。另外推介頭場「風馳電掣」，轉華廐後五戰三上名，演出夠準，上場放快咗照樣贏馬，表現有驚喜，梁定華仲未上岸，有實力馬肯定搏得就搏。

張敬山

添福駿驥咪睇小

　　韋達同白德民兩大外籍師傅停賽，睇怕輪到華籍騎師抬頭，其中鄭雨滇今日手馬就惡氣十足，一於吼實。推介第六場「大將軍」，上場初戴眼罩已在韋達胯下有好走勢， 今次帥權交番落鄭雨滇手上，一定搏到盡。另外第七場「添福駿驥」亦係韋達騎開嘅馬，近五場獲一勝三位，實力唔使懷疑，雖然鄭雨滇季內少騎蔡廐馬，但亦曾替此廐「正毅」爆冷入Q，唔好睇小。

任達華

威利嘉強項起筷

　　告東尼剛戰贏咗「一定爆」，暫時以兩W領先大摩，為保優勢今日肯定會繼續搶攻，吼實佢啲馬應該冇錯。推介第三場「威利嘉」，以往一冠一季全部響田草1200米取得，今次終於跑番強項路程，擺明有心出招。另外鍾意第五場「超勁精神」，前仗同「勁力」、「桂花飄香」拍住過終點，後兩駒再出全部贏晒，賽績硬淨，只要唔好留得太後，要贏馬冇難度。

寇鴻萍、梁廷鏘