冇鄭大世波琴攻細削弱

猪拉多纳

15/05/2011
文： 吉拿甸奴

今晚德乙煞科戰，波琴喺主場對杜伊斯堡，波琴贏波就夠分踢升班附加賽，正因為咁，唔排除佢哋踢得更穩陣，撞啱兩隊對賽旺開細，比起捧1.42倍主W，敲2.2倍入球細仲過癮。（開賽時間：周日晚7:30）


近5次鬥杜伊4鋪開細


現時波琴落後第2位嘅奧格斯堡3分，得失球差有20球差距，就算今場贏都拎唔到直接升班席位，所以要疊埋心水爭第3位踢附加賽博升班。形勢上，第3位嘅波琴領先第4位嘅格雷特霍夫2分，今場贏波穩袋附加賽資格，不過格雷特霍夫主場對連續6場不敗嘅杜塞爾多夫唔係贏硬，波琴係咪會立亂冒險搶攻先？




睇番紀錄，自從射手鄭大世養傷後，波琴近5場得2勝，齋靠冇料到嘅土耳其二線射手馬希亞沙歷，難怪近3次失分都冇波入，證明波琴冇鄭大世火力大打折扣，今場咁重要，球員進攻意欲可能更低。對家杜伊斯堡近7場有6次開入球大，的確嚇得吓人，但其實兩隊近5次對賽有4次開細，大家都唔係好攻得入對方，玩入球細隨時有驚喜。