場邊花絮

猪拉多纳

徐雨石唔知自己二百W

　　徐廐「獵豹小子」泥地1200米直落贏三場，賽後馬會透過大螢幕向徐雨石賀喜，原來呢場係練者在港從練第200 場頭馬， 不過主角徐雨石初時唔知咩事，望一望螢幕後笑笑口反問旁人：「乜我200W㗎拿？」

鄺美雲幫「囝囝」打氣

　　噚日美人鄺美雲（右）入場為愛駒「千江映月」打氣，結果呢個囝囝力戰只能跑番個梗頸四，雖稍令佢失望，但總算贏番五萬零蚊獎金，幫補吓養馬費。

譚校長現身沙圈

　　「校長」譚詠麟（左）向來係馬場常客，噚日仲落沙圈睇馬，只見佢全程四萬咁口，睇嚟有斬獲。