高清睇跑馬：佳同易配戰意如虹

魑魅魍魉

　　「佳同」今季首度登場，初期於田草上陣只得個近字，但前仗於總場次471初跑谷草1200米，入直路時在柏寶胯下移出外檔望空後，馬匹即以凌厲後勁打開勝門，亞、季軍「威威多星」及「輕輕鬆鬆」再出補中，足證水準極高。

　　上仗「佳同」於總場次566再跑谷草同程，可能因狀態太弗，起步冇耐已搶口，柏寶只好留在較後位置，然而搶口情況未見改善，故鞍上人稍為留力未有提早加速，結果就此太遲發力，後追回來負於「光輝出擊」個多馬位跑第二，由贏變輸認真不值；這次易配安國倫捲土重來，戰意毋須懷疑，對手參差篤定補中。

Sam