梳士貝利硬淨好細界

魑魅魍魉

20/05/2011
文： 麥馬拿仁

英乙升班附加賽四強次回合，第七托基聯將作客殿軍梳士貝利。雖然托基聯排名輸蝕，但球隊近六場作客梳軍只曾一敗，心理上好有優勢，受讓有得諗；但今仗細盤仲好路，梳軍係英乙主場失波最少球隊，而近五對賽四開細，1.75倍細盤要目及實。（周六凌晨2時45分開賽）




梳士貝利首回合吞兩蛋，領隊格拉咸端納表示仲有得追，因為佢哋主強客弱，今場肯定按住對手嚟打。事實上，梳軍本季廿三場主場聯賽僅失十八球，係失波最少嘅其中一隊；而球隊近六仗有五場保持不失，相信托基聯揸住兩粒優勢，作客都會大踢守勢波，梳軍繼續零失球唔奇。但托基聯作客梳軍有一手，近五次都同對手咬得好緊，所以其中四戰全開細，呢場頂得住梳軍猛攻，取細盤啱數。


阿克寧頓搶攻吼主W


另一場四強次回合賽事，阿克寧頓主場鬥史提芬納治，首回合阿克寧頓輸○比二，今場返自己地頭鬥心毋庸置疑，再睇番球隊本季主場成績排英乙第二，僅畀冠軍車士打菲特少一分，今戰就算未能大逆轉晉級，亦應可贏番場。（周六凌晨2時45分開賽）