英乙附撐「主場王」阿克寧頓

魑魅魍魉

20/05/2011
文： 朱楓

有信心就有希望！雖然首回合落後2粒，但阿克寧頓領隊約翰高文喺今晚英乙升班附加賽4強次回合主場再對史提芬納治，仍表示有信心反勝晉級，以佢哋今季地頭威力，朱楓相信高文可以兌現承諾，開出2倍主W！（開賽時間：周六凌晨2:45）




首回合阿克寧頓作客史提芬納治輸0:2，不過領隊約翰高文賽後冇鬧球員不特止，反鼓勵球員話比賽未完，有信心次回合贏3球反勝晉級，揸緊一個宗旨：「近11支嚟我哋主場嘅球隊，有10隊都要放低3分。」主場威力絕對唔講得笑！


史提芬納治傷停多


雖然首回合咧住2球，不過史提芬納治領隊格拉咸韋斯利賽前警告球員唔好輕敵，皆因阿克寧頓今季主場只係輸過3場咁大把。事實上，朱楓覺得韋斯利絕冇過分擔心，皆因中場莫仙奴同後衞勞基科士打都繼續停賽，前鋒賓美爾又上陣成疑，對住近14場只係輸過一場咁大把嘅阿克寧頓，想踢擦鞋仔波摸和出線唔係咁易！


德乙資格賽賽制


採主客兩回合淘汰制，今輪為首回合，設作客入球優惠，若總比數打和，需加時作賽，再和則互射12碼分勝負。


英乙升班附加賽賽制


採主客兩回合淘汰制，今輪為次回合，不設作客入球優惠，若總比數打和，需加時作賽，再和則互射12碼分勝負。




首回合阿客負0:2