東京殘陣恰唔到比馬

猪拉多纳

22/05/2011
文： 蘇豪

日乙賽事FC東京主場對湘南比馬，名牌球隊FC東京季初飽受傷兵問題困擾，中場米本拓司、羅拔圖、箭頭平山相太、柏度祖利亞及高松大樹等人全部傷晒，中前場人腳嚴重不整，另外，進攻主力石川直宏剛傷愈冇態，大軍鋒力難免受削。


兼顧入球細


FC東京今季保留大部分主力，早被視為升班熱門，不過，球隊季初發揮麻麻，聯賽六戰兩勝兩和兩負，雖然主場三戰取得兩勝一和，但兩場贏波均以一比○小勝，發揮並唔理想。湘南比馬聯賽六戰只輸一場，近三場不敗只失一球，防守硬淨，受讓捧「讓球客勝」。另外，兩軍近期進攻火力甚弱，可兼顧入球細。（周日下午3時開賽）