英超煞科5苦今晚定生死！

猪拉多纳

22/05/2011
文： 阿占

今晚英超煞科，邊隊降班將會唔見8,000萬鎊（約10億港元）！「5苦」得3個可以上岸，護級生死戰場場打甩髀，有線會送晒10場大戰畀各位老友！講番焦點戰曼聯對黑池，之前外傳紅魔可能放水換查理阿當，不過阿占就唔多信，始終費Sir唔會想用輸波迎歐聯啩？何況佢哋就算派副選都夠殺啦，一於撐2.2倍「讓球主勝」！（有線201及301周日晚11:00直播）




大戰當前謠言滿天飛，最離譜係話曼聯會放水。英國傳媒揣測有兩大原因，其一係紅魔想簽查理阿當，假如幫到黑池乜都易話為。之但係假如黑池降班，仲點會留得住呢位球星先？紅魔把心一橫送佢哋一程咪仲好！另一理由係話曼聯會留力打歐聯，但查實曼聯本身人才濟濟，收起幾個主力都高你幾班，主場大勝有幾難？


朗尼貝碧請纓搏殺


再講，曼聯場歐聯決賽要到下周六先踢，費格遜話會收起部分主力，如無意外都係傑斯、雲達沙等老將，其他年輕球星都會披甲，尤其係鬥心爆棚嘅朗尼同爭金靴嘅貝碧托夫都會上陣，使驚冇波入咩？




費格遜嘅留力宣言或者令球迷有太多幻想，阿占就再拎番啲事實畀大家睇，曼聯依家喺奧脫福已經16連勝，今場作為曼聯今季奧脫福謝幕戰，自然會好好睇睇贏番場答謝球迷，並為下周溫布萊決戰造勢！


黑池遇豪門勁失波


黑池留級除咗要自己爭氣，仲要視乎對手戰績。好多球迷都想黑池留級，事關佢哋嘅踢法進取，但就係佢哋呢種有前冇後打法，今季7次對住曼聯、車路士、阿仙奴同曼城，輸晒之餘仲有6場失3球或以上，上場阿占評述佢哋對保頓，見到班波後防真係好流，今次去到奧脫福好難唔輸。


頂占筍盤


曼聯

讓球主勝

有線球彩台主持阿占

電郵：soccer64@cabletv.com.hk

球彩群組：http://fb.com/icable64

PHONE波熱線：1831 678

「快樂BPL」開放時間：

周日晚10:30至周一凌晨1:00