地頭龍史篤城唔放生韋根

猪拉多纳

22/05/2011
文： 自由恒

多得韋斯咸上周日臨完場前自爆，造就今晚英超煞科戰有5支護級球隊大混戰，加上第3及第5名嘅爭奪戰，足足有9隊要搶分，當中有5隊只係對住等收咧嘅風流波，開條5x1咪好筍？不過英超唔同意甲，冇目標唔等於會派分，今晚冇嘢好爭嘅史篤城對住護級隊韋根，平手盤我撐主隊。（有線63周日晚11:00直播）


韋根近9次作客僅1勝


戰意雖然係贏波嘅重要元素，不過還記得2009年嘅英超煞科戰，當日4支護級隊，加埋2支爭歐霸盃入場券嘅球隊都要輸波，就知出師有名唔係大晒。事實上10場比賽同時上演，形勢會隨時改變，話唔埋今晚韋根會由和都唔曳變成贏都冇用，甚至乎係輸波都護到級，所以揀波都係以實力行先。




史篤城喺未踢足總盃之前，保持5場不敗走勢，主場更加係連續11場未輸過，上周中英超補賽再輸畀曼城，皆因多名主將包括堅韋尼鍾斯、艾法寧頓、戴納同賀夫都等都被收起，賽前預計佢哋今晚都悉數復任正選，對住近9次作客僅1勝嘅韋根，平手盤有2倍真係幾抵博。