藍翼起飛主場捕鯨

港陌

25/05/2011
文： 樂比堅尼

亞冠盃十六強另一場韓日大戰，水原藍翼主場對名古屋鯨魚。鯨魚今屆亞冠盃表現平平，分組賽三場作客輸咗兩場，加上陣中主力受傷，未能夫添上陣，樂比仔寧願捧正起飛嘅水原藍翼！（周三晚６時30分開賽）


鯨魚殘陣游唔郁


幾年前亞冠盃係日職球隊世界，浦和紅鑽同大阪飛腳先後於○七及○八年捧盃，但近兩年已成為韓職球隊天下，近兩屆分別由浦項制鐵及城南一和捧盃，呢個現象反映出一個趨勢，就係韓職球隊呢兩年實力已趕過日職球隊！




樂比仔絕非武斷，睇番今屆亞冠盃東亞區四個小組，其中三組都係由韓職球隊攞冠軍，須知十六強係一場過賽事，佔主場之利非常重要，鯨魚驚險地以次名出線，晉級機會已大打折扣，況且鯨魚多名主力好似貝辛奴域、增川隆洋、金崎夢生及花井聖等因傷缺陣，鯨魚想慢慢游都游唔郁！




水原藍翼今季聯賽表現一般，但亞冠盃卻表現理想，六場分組賽保持不敗，今季買入咗鄭成龍、崔成國及烏茲別克國腳格恩里克，加上射入六球嘅分組賽神射手河泰權狀態大勇，要喺鯨魚身上取得入球唔成問題，今場一於捧主Ｗ。