特利堡回勇碌爆卡

猪拉多纳

26/05/2011
文： 麥馬拿仁

今晚五場瑞典超賽事，大勇特利堡主場鬥西里安斯卡可再下一城。自經歷開季三連敗後，特利堡之後愈打愈好，前鋒普迪、費達列贊臣、艾迪史譚輪流發威，上次主場大數艾夫斯堡打出代表作。西軍上仗雖大勝，但對手只屬弱旅，今次造訪特利堡難逃一敗。 （周五凌晨1時開賽）

西里安斯卡實力不濟

特利堡本季出閘脫腳，連敗予馬模、加爾斯同諾高平，但之後好似開咗竅一樣，打後聯賽取得四勝二和成績，普迪同費達列贊臣目前已合共攻入七個聯賽入球，其中對上兩場主場擊敗佐加頓斯同艾夫斯堡，球隊都攻入三球，佢兩個更包辦其中五個入波。上仗作客勁旅哥登堡，如非最後五分鐘被扳平，就可完成五連勝。


至於對手西里安斯卡上仗雖贏諾高平，但對手實力不濟不足為據，實情西里安斯卡只係瑞典超下游分子，千祈唔好以為佢哋好醒，捧主W穩陣。


另一戰加爾斯主場對赫根，加爾斯目前喺聯賽排名高對手三位，赫根本季五場作客聯賽僅一勝，而近季兩軍對賽成績加爾斯亦佔優，橫睇掂睇都應該加爾斯讓波，但今戰竟然相反，赫根要讓番對手轉頭，反映客W有計。