史卓加斯特風勁大炒格

港陌

28/05/2011
文： 渡邊年

主要聯賽收咧，六、七月係二線波行頭日子，有熟悉外圍莊家嘅朋友同渡邊年講，唔同外圍莊家對唔同聯賽持唔同態度，有啲因為怕少咗生意，乜嘢都開，有啲因為怕易出現操控，聯賽選擇性開盤，亦有啲做得好細緻，雖然聯賽照開，但受注項目唔同，例如波膽唔受注，或者冇咗半全場畀客仔買，又或者嗰個聯賽唔畀過關。




莊家選擇性開盤




其實當主要聯賽收咧，外圍莊家方面人手都會鬆一鬆，話晒都緊張咗近十個月，畀啲員工抖一抖都好正常，但莊家如果一鬆懈，好易畀大戶有機可乘，所以佢哋寧願開少啲，都唔想做蝕本生意。




嚟緊日職、日乙、北歐波、南美波為主要市場，除咗日本波，其餘地區不時傳出操控情況，所以莊家呢個零月都會瞄得好實。




今日兩場挪威波都叫捧主隊，當中又以史卓加斯特啲風比較勁，嚟料話對手費德列斯達今場會讓路，唔單止會輸，甚至會大敗一場，又即管睇吓係咪咁準？