洪禮賢講馬：點石成金 加程啱數

魑魅魍魉

　　第六場三班1200米。「萬里駒」跑完上場兩個月冇出，期間工夫冇疏落過，特意操住嚟唞，可能因為之前連跑三兩場，恐體力流失多咗，影響季尾部署。睇番之前有類似安排嘅成績（兩場），隔咗個幾月唔跑，休出俱入Q，證明呢套方式，隻馬係受嘅。

萬里駒賽績硬淨

　　表面上，「萬里駒」兩年有多冇贏過，今季又只係不停跑P，博W唔係咁化算，要知道，季內同過啲咩馬跑得好先？剩係攞番近兩次上名嚟講，輸過畀「科研精英」、「一定爆」、「錢照贏」等，呢3匹馬季內夾埋交出10場頭馬，甚至乎，啱啱入P嗰場，喺佢後面得殿軍嘅「金紫荊」，之後兩場獲1W1Q。嘩，一睇呢份名單，結合埋今場抽到C+3欄1檔（前季起韋達7匹C+3欄1檔馬，僅1駒冇前四名），連運都幫埋佢，今場仲唔係交代嘅黃金良機。

　　第七場三班1200米。「點石成金」初出之前，兩試大閘係口勁重，亦唔易控制，所以，上賽後騎練嘅解釋係合情合理（要硬性留後跑）。然而，陣上發揮係咪冇得挑剔？又唔係完全冇！喺直路嘅初段，騎者略欠肉緊及過於膽怯係事實（或因預咗前路會被閂），總之，初出已經好有走勢。熱身後加程啱數，如跑過 1場，隻馬自己稍進步又唔再處境咁差，贏得！