沙利荷域復出撐波斯尼亞

魑魅魍魉

03/06/2011
文： 郭球奇

要數近年歐洲至有進步球隊，球奇一定揀波斯尼亞。今晚佢哋作客今非昔比嘅羅馬尼亞，預計喺「罰球王」沙利荷域復出下，至少可保持不敗，1.8倍「讓客」咪錯過！（開賽時間：周六凌晨2:00）




波斯尼亞近年進步神速，暫時喺今屆歐國外D組表現亦算唔錯，獲2勝1和1負，只係輸過畀法國。其實波斯尼亞近年成績咁好，全因球星輩出，好似今次大軍咁，前線有曼城射手迪斯高，中場就有里昂新「P祖」比真歷，賀芬咸「罰球王」沙利荷域停賽4場刑滿復出，戰鬥力將更勁。


羅馬尼亞人才凋零


同波斯尼亞相反，羅馬尼亞近年成績大跌，暫喺小組只得1勝2和2負，上輪對住魚腩盧森堡都要幾經辛苦先能夠反勝。可能見球隊冇咩前途，國米後防捷禾啱啱以長期受傷為由退出國家隊，另外由於多位海外球員喺球會缺乏上陣機會，今次陣容大變，當中最意外係重召番8年冇入選國家隊嘅中場辛馬田，可見羅馬尼亞人才有幾凋零，今場對住冒起嘅波斯尼亞，想保不敗都唔係咁易！