巴西食橙幫助消化

港陌

04/06/2011
文： Mic少

今晚有場重量級熱身賽，巴西主場對荷蘭，兩軍同屬世界一級勁旅，理論上實力不相伯仲，但要留意雙方今仗心態上有天壤之別。巴西正為下月的美洲國家盃備戰，全軍處於作戰狀態，反觀「橙衣兵團」遠赴南美，純粹陪太子讀書兼遊埠，戰意肯定不及巴西，1.62倍主勝穩陣。 （廣東體育周日凌晨3時10分直播）




美洲國家盃將於七月一日喺阿根廷揭幕，除巴、阿兩國外，尚有巴拉圭、烏拉圭及墨西哥等對手，巴西領隊文奴文尼斯徵召最強人腳備戰，包括羅賓奴、柏圖、尼爾馬、馬爾干、丹尼爾及大衞雷斯等歐洲兵，爭標決心十足，必然以認真態度應付熱身賽，做好備戰工作，今場對手荷蘭質素高，正係測試球隊狀態嘅好機會，文奴文尼斯應會派強陣出擊。


荷蘭「遊埠」心態


巴西今次集訓人腳鼎盛，出戰美洲國家盃嘅最終大軍名單仍未確定，位置競爭非常激烈，各人應會喺熱身賽爭取表現，希望能夠參加呢項大賽。另外，巴西國內球迷一向非常「熱情」，球員亦唔敢怠慢，勢必打真軍，報回上年世界盃八強被荷蘭淘汰之仇。




荷蘭今輪毋須踢歐國盃外圍賽，因此可以遠赴南美洲比賽，先鬥巴西，再對烏拉圭。球員既然冇重要任務在身，可以輕鬆心情比賽，甚至話佢哋去度假亦不為過，即使洛賓、尹佩斯及古積特有入選，但估計屆時水準會打折扣，加上國米中場史奈達冇入選，更難阻巴西贏波。