極品絲語：十戰全入三甲 國寶準得驚人

猪拉多纳

　　只剩十次賽事，冠軍之爭已到最後直路。韋達幾可肯定蟬聯冠軍騎師，但練馬師之爭，今期賽事將是轉捩點。蔡約翰近月頻頻出擊，尤其是田草賽事成績更為卓越，今次賽事馬房出11駒，當中有五匹馬新勝而臨，是日必有大攻勢。

金鎸龍華施冷箭

　　第七場「首飾達寶」上場初出一鳴驚人，在四班輕勝，時間亦快，今次升班兼增程跑1200米亦冇難度，可再下一城。配腳取「翡翠海星」，跑過兩仗獲一冠一季，勝後小休，排位好可予威脅。「金鎸龍華」試閘走勢不俗，同系馬喜歡一出即拼，可施冷箭。

　　第八場蔡廐三路興兵，當中「國寶」及「勁高手」皆為新勝馬。首選「國寶」，至今十戰全入三甲忠心準繩，上次久休照樣贏馬，拼後有足夠休息，可再下一城。

　　「勁高手」上次贏馬得場地之助，但同程演出準，仍可作配。「戶外名駒」評分回落，可拖。

　　股市方面，近期經濟數據雖拖累了美股，但樂觀點看，或是替另一輪升浪鋪路。雖然美國是否推出第三輪量化寬鬆，現時仍言之過早，但息口維持低水平肯定無可避免，甚至會向減稅等實質措施埋手，進一步刺激經濟。

　　上周心水是和黃（013），藍籌強勢加上現時在加拿大多倫多上市，而由長實（001）主席李嘉誠個人及和黃共同持有的赫斯基能源，亦盛傳最快下半年公開招股，加速了和黃的升勢。雖然其後受大市拖累又再轉弱，但之前所指的有利因素仍在，依然可伺機入貨。

有線賽馬節目主持　珊翠絲