內圈探索：正榮身壯有暗火

猪拉多纳

　　今日沙田上演十場草泥賽事，蔡約翰馬房屯重兵，看來有大舉出擊之意。出爭第五場四班1800米的「正榮」，前仗在港第二次上陣，即在田草1600米打開勝門，足見質素非凡；上仗續爭同程，陣上一度呼吸困難，賽後更驗出右後腳跗部有一處擦傷，可見敗不足據。

　　由於拼後不久，「正榮」埋門操練以踱步為主，近朝所見馬身仍然粗壯，暗火湧現，狀態比上仗有進冇退。今仗增程跑田草1800米，應該更合這匹「沙彪」子嗣發揮，抽得十檔起步，對這匹跑法機動之馬影響不大，韋達繼續效力，令人倍添信心，同場對手大多似是而非，此駒屬今場爭勝要角。

　　列陣第九場二班1200米的「好利利」，上仗小休復出角逐同程，結果輕鬆一放到底，彈甩亞軍「堅旺財」兩個多馬位掄元，賽後被重加12分，可見極受重視。拼後立即復課打磨，埋門試大閘走勢出色，近朝踱步狀態亦對辦，反映其健康已完全冇問題。今回再戰勝途田草1200米，雖然升班上陣，但負磅減輕更好跑，加上有三檔幫手，應可再次放到。

家明