日本求捷留住麒麟盃

魑魅魍魉

07/06/2011
文： 麥馬拿仁

麒麟盃今晚上演最後一戰，東道主日本強戰捷克。今次盃賽別具意義，主隊一班球星都想贏波撫慰地震及海嘯災民，預計大牌如本田圭佑、內田篤人、長野佑都等都會落場爭勝。捷克陣中僅得施治較具卡士，日本只要贏波就捧盃，主W有1.65倍玩得過。（周二晚6時30分開賽）




今次麒麟盃兩支外隊分別係捷克同秘魯，秘魯之前兩戰日本及捷克都踢成○比○，目前以兩分排榜首，換言之今仗日本或捷克邊隊贏波就奪標。


捷克二線兵冇作為


日本今年對麒麟盃賽特別重視，領隊沙哲朗尼幾乎盡召外流球星歸隊，目的就係想將錦標獻給地震及海嘯災民，首仗對秘魯攻極唔入，今場肯定有改善。捷克是次陣容以國內二線球員為主，路斯基、高薩克等都冇隨隊，面對鬥心高幾班嘅日本，無力搞寸個Party。