中國工廠洩密！德國決賽周戰衣曝光

魑魅魍魉

07/06/2011


「日耳曼軍團」喺歐國盃外圍賽表現勢如破竹，唔少人都貼佢哋係明年決賽周奪標熱門，不過身為隊長嘅拿姆就唔多認同，佢堅持球隊仲未及得上西班牙，想奪標仍要努力。


高路斯9成離拜仁投華倫


拿姆話：「毫無疑問我哋已經向住正確方向發展，水平提升到拍得住巴西同其他足球強國，之但係西班牙始終係帶出一截嘅，我哋只有盡力收窄差距。我哋有高質素嘅新兵，只要再努力啲，就有機會贏得錦標。」




德國殺入決賽周在望，據德國《圖片報》報道，贊助商adidas已經為佢哋準備好全新嘅決賽周主客戰衣，其中作客衫顏色就由黑色轉番另一傳統顏色綠色。至於點解咁快有相睇？《圖片報》話張相有中文字標籤，似乎係幫adidas做衫嘅中國工廠洩漏出嚟喎！同時，《圖片報》繼續爆料，話德國國腳前鋒高路斯同拜仁傾續約失敗，9成離隊，只待正式宣布，消息指佢將會改投華倫西亞。