朗拿度告別賽！森巴兵打羅歡送大哨

魑魅魍魉

07/06/2011


巴西喺主場迎戰羅馬尼亞，唔只係場熱身賽咁簡單，更加係傳奇球星朗拿度嘅告別賽。咁有紀念性嘅賽事，「森巴兵團」點會想失威？對住啱啱有領隊辭職嘅羅馬尼亞大勝可期，捧1.5倍「讓球主勝」！（開賽時間：周三早上8:50）


羅馬尼亞主帥突然劈炮


巴西上仗同荷蘭悶和0:0，無論領隊定球迷都肯定唔收貨，今仗對住次一級嘅羅馬尼亞，梗係要開殺戒氹擁躉啦。最重要一點，今仗係朗拿度嘅告別賽，預計「肥哨」會喺完半場前落場，坐底踢15分鐘，成班後輩諸如尼馬同羅賓奴，仲唔趁機騷哥利爭做接班人咩？何況領隊文奴文尼斯仲會喺今仗之後正式點兵出戰美洲盃，球員肯定會加多兩錢肉緊，希望為國效命。




相反，羅馬尼亞呢邊，上周末贏完波斯尼亞3蛋，但賽後主帥拉沙雲盧錫斯古突然宣布辭職，肯定影響軍心。班波到依家都仲係靠梅度支撐，真係獨力難支，群龍無首都幾難發圍！




TUE 二（19）




巴西 Vs 羅馬尼亞