財富之星季尾搵食

魑魅魍魉

第五場四班1650米，呂廐「財富之星」季初已兩勝同程，雖然近仗表現只是一般，但到季尾幕後似乎再蠢蠢欲動，埋門連拍兩課後，昨朝又有不尋常動態。
       

昨朝最後試跑，「財富之星」指定由老拍檔黎海榮主試，當人馬去到隧道口，早在烽火台窗邊等候之呂健威即場畀操練指示，接住他再返回座位舉鏡督操，動作連貫兼肉緊到出面，擺出一副搏殺格。
       

查「財富之星」季內七戰全配黎海榮，且清一色跑谷草1650米，專心一致在谷中搵食，七歲馬向來拚搏有度，今次既有出擊手影，成冷切宜留神。