牙買加愈踢愈心洪

猪拉多纳

13/06/2011
文： 麥馬拿仁

美洲金盃B組重頭戲，洪都拉斯鬥牙買加。洪軍剛贏格林納達七個一皮，計整體實力應略高於對手。但如以小組首名出線，或將硬撼主辦國美國，而次名就九成對哥斯達黎加，故洪軍未必去盡求勝，要讓波唔划算，捧牙買加「讓球客勝」。




（周二早上9時開賽）




此組洪、牙兩軍鶴立雞群，兩軍分別狂炒格林納達，目前牙買加兩戰兩勝六分居榜首，而洪都拉斯則以四分居次，今場打和就以首、次名出線。洪都拉斯實力在牙買加之上，單計幾名英超兵如柏拉西奧斯、美羅費古羅亞、亨特利湯馬士，卡士高，而墨西哥阿特拿斯前鋒卡路哥斯利上場個人轟入三粒亦非等閒之輩。




洪都拉斯首名冇着數




不過，洪都拉斯今場贏波將會首名出線，八強對C組次名球隊，好可能係東道主美國，若次名晉級，將對Ａ組次名球隊，對手好可能係哥斯達黎加，故各位投X今戰前，要睇番今早墨西哥對哥斯達黎加戰果，如果墨軍順利取得首名出線，今場洪軍為走線肯定唔想贏。


2.8倍和局有得諗


事實上，就算此仗雙方大打真軍，牙買加都唔會輸蝕，佢哋分組賽兩戰兩勝，後防一球不失，呢場只要打和就小組封王，而洪都拉斯攞一分就夠出線，今戰和波賠率得2.8倍，進取可直取和局，穩陣啲就要「讓球客勝」。