阿維達貝治未驚過

魑魅魍魉

15/06/2011
文： 麥馬拿仁

今晚兩場瑞典盃八強戰，「甲組仔」阿維達貝治主場鬥奧雷布洛形勢唔輸蝕。奧雷布洛對上兩屆均於八強出局，球隊明顯對此「雞肋盃賽」興趣不大。阿軍主場威力勁，前圈就曾大炒AIK蘇納三蛋，戰鬥力有辦你睇，今場受讓強捧「讓球主勝」！（周四凌晨1時開賽）




瑞典盃向來對瑞典超球隊吸引力極低，只有哥登堡同卡爾馬對呢隻盃仔最有野心，其他球隊多數唔會出夫添，令低組別球隊偷雞機會大增。奧雷布洛前兩屆都於八強出局，明顯志不在此，雖然計實力強過阿維達貝治，但鬥心成疑。阿維達貝治近期於主場六戰五勝，今場受讓好路。


卡爾馬戰意「模」限


另一仗卡爾馬主場對馬模，連埋今場馬模已連續四仗作客，球員疲憊不堪，卡爾馬近四屆三次殺入四強，○七年更奪冠軍，戰意唔使懷疑，捧主W。